Ankara Cebeci Asri məzarlığında ermənilərin qətlə yetirdiyi diplomat və yaxınları uyuyur

BAKI, Azərbaycan (Ankara)

Azərbaycanın torpaqlarının 20 faizini 30 il işğal altında saxlayan, bir milyon insanın qaçqın-köçkün düşməsinə səbəb olan, işğal altında olan torpaqlarımızı viran edən, tarixi və mədəni abidələrimizi dağıdan, məzarlarımızı tar-mar edən, məscidlərimizi donuz damına çevirən Ermənistan əzəldən Türkün düşmənidir.

Yəni bu düşmənlik 30 il əvvəl Azərbaycan Türkünə qarşı edilən soyqırımlar, vandalizm, barbarlıq və torpaqların işğalı ilə başlamayıb.

Ermənistan hər zaman Türkün düşməni olub.

Ankara Cebeci Asri məzarlığında Türkiyə Xarici İşlər Nazirliyinin diplomat şəhidlərinin məzarları da buna bir sübutdur. 

Türkiyəni xaricdə təmsil edərkən terror təşkilatları tərəfindən şəhid olan Türk diplomatlar, rəsmilər və ailə üzvləri Ankaradakı Cebeci Asri qəbiristanlığında dəfn edilib. Onların məzarları dəmir barmaqlıqlar arxasında saxlanılır.

Qeyd edək ki, Türkiyənin on illərdir terrorun hər növünə qarşı amansız mübarizə aparır. Amma zaman keçdikcə, terror təşkilatlarının adları və qurumları dəyişdi.

Buna baxmayaraq Türk milləti hər zaman terror qruplarının hədəfi olmağa davam etdi.

Bu gün daxildə və xaricdə başda PKK, İŞİD və FETÖ olmaqla bir çox terror təşkilatlarına qarşı mübarizə davam etdirilir. 

Ancaq bilirsiniz, ən kədərlisi nədir?

Türkiyə ilə digər ölkələr arasında dialoq və əməkdaşlığı inkişaf etdirmək üçün səy göstərən diplomatların terrorizmin hədəfində olması. 

Nə qədər acınacaqlı olsa da, Türk diplomatiyası 1973-cü ildən bu günə qədər şəhidlər verməkdə davam edir. 

Belə ki, bu günə qədər ASALA, “17 noyabr” və PKK kimi terror təşkilatlarının təşkil etdiyi 90-dan çox hücumda 41 diplomat, dövlət məmur və ailə üzvləri şəhid olub. 

Osmanlı dövründən xarici dövlətlərin təxribatları ilə qanlı və aqressiv şəkildə separatçılıq hərəkatına başlayan erməni təşkilatları 1973-cü ildə Los Ancelesin baş konsulu Mehmet Baydar və konsul Bahadır Dəmiri Santa Barbarada şəhid etməklə yeni dövrə başladılar.

Daha sonra 1975-ci il yanvarın 20-də ASALA və Erməni Soyqırımı üçün Ədalət Komandoları - JCAG bombalı hücumla Beyrutda bir çox diplomatı və yaxınlarını öldürdü.

1975-ci il oktyabrın 22-də Türkiyənin Vyana səfirliyinə basqın edən terror təşkilatı üzvləri səfir Daniş Tunalıgili masasının başında qətlə yetirdi.

Bu qətldən iki gün sonra ermənilər rəsmi avtomobillərində Paris səfiri İsmayıl Erez və onun sürücüsü Talip Yeneri atəşə tutdular.

Bu böyük itkilərdən sonra erməni terror təşkilatlarının hücumları 1970-ci illərdə diplomatları və onların yaxınlarını hədəfə almağa davam etdi. 

Beyrut səfirliyinin 1-ci katibi Oktar Cirit (1976), Vatikan səfiri Taha Carım (1977), Madrid səfiri Zeki Kuneralpın həyat yoldaşı Necla Kuneralp (1978), təqaüdçü səfir Beşir Balcıoğlu (Madrid/1978), Haaqa səfiri Əhməd Benlerin oğlu (Özdəmir Benler) Paris Turizm Müşaviri Yılmaz Çolpan (1979) erməni terrorunun qurbanı olub.

Erməni terror təşkilatlarının diplomatalara hücumları 1980-ci illərdə də davam edirdi. 

Terrorçular bu dövrdə Afina Səfirliyi İnzibati Attaşesi Qalip Özmen və qızı Neslihan Özmen (1980), Sidney Baş Konsulu Şarık Arıyak, Sidney Baş Konsulluğu Təhlükəsizlik Attaşesi Engin Sever və digərləri şəhid edilib.

Bu gün Ankara Cebeci Asri məzarlığında 1973-cü ildən bu günə qədər erməni terror təşkilatları tərəfindən qətlə yetirilmiş 41 Türk diplomatı və yaxınları uyuyur. 

Bu da o deməkdir ki, erməni terror birləşmələri üçün zaman məkan anlayışı yoxdur. 

Yəni onlar harada Türk varsa öldürülməlidir prinsipi ilə yaşayırlar.

Bəli, biz bu gün 30 il işğal altında olan torpaqlarımızı geri ala bilmişik. 

Sülh istəyirik və sülh tələb edirik. 

Ermənistan baş naziri Nikol Paşinyan Ermənistan ordusunun gücləndirilməsindən, erməni diplomatlar böyük müharibədən danışırlar.

Yəni 100 illər keçsə də, bu düşmənçilik bitməyəcək kimi görünür. Tanrı Türkü qorusun!

.

İradə Cəlil, dikGAZETE.com