BAKI, Azərbaycan – ANKARA, Türkiyə
Ünver Sel: "Kırım Osmanlı imperatorluğunda xanlıq idi"
“Sovet İttifaqı dağıldıqdan sonra 1991-ci ildə Krım özünü Ukraynanın daxilində tapdı. Sovet İttifaqı illərində 1956-cı illərdə Krım yarımadası Sovet Ukraynasının tərkibində idi. Daha əvvəl Rusiyanın tərkibində olan bir torpaq idi.
1944-cü ildə Krım tatarları sürgünə göndərildilər.
Sovet İttifaqı dağıldıqdan sonra Krıma yenidən qayıtma müddəti başlandı. Ukrayna dövləti 25 il müddətində 1990-cı ildən 2014-cü ilə qədər, Krımda bir çox məsələni həll edə bilmədi”.
Bu barədə Krım Tatar Dərnəkləri Federasiyasının sədri, Krım Kalkınma Vəqfinin başqanı Ünver Sel müsahibəsində danışıb.
O, qeyd edib ki, Ukrayna xüsusilə Krım tatarlarının köçü, Krım tatarlarının inteqrasiyası, haqq və hüquqlarının geri qaytarılması mövzusunda lazım olan işləri görə bilməyib.
Eyni zamanda Krımın digər xalqlarına qarşı da həyata keçirdikləri tədbirlərdə lazım olan müvəffəqiyətə nail ola bilmədi.
-Krım Tatar Dərnəkləri Federasiyasının sədri, Krım Kalkınma Vəqfinin başqanı Ünver Sel
“Ukraynada yaşanan daxili müharibə müddətində Krımda yaşayan xalqlar Ukraynanın daxili müharibəsinə qarışmaq istəmədilər. 1991-ci ildə Krım Parlamenti qərar verərək, Ukraynadan ayrıldı. Daha sonra isə Krım Rusiya federasiyasıa qatıldı.
Bu, xalqın öz taleyini təyin etməsi ilə bağlı bir məsələ idi. Təbii ki, bunu Ukrayna da, beynəlxalq toplumun bir qismi də qəbul etmədi”-deyə Ünver Sel bildirib ki, bu qərar Krımda yaşayan xalqların qərarı idi.
Onun sözlərinə görə, Krım yarımadası uzun illər bir çox millətə yurd olmuş bir yerdir. Hazırda burada ruslar, Krım tatarları, ukraynalılar, azərbaycanlılar, yəhudilər, ermənilər və digər xalqların nümayəndələri də yaşayır.
2014-cü ildən Krım xalqı daha sülhsevər metodlarla öz həyatını davam edir.
Dünya, Krımın Rusiyaya qatılmasına daha fərqli reaksiya verir.
Ünver Sel qeyd edib ki, Krım heç bir zaman Ukrayna torpağı olmayıb.
“Bura Krım xanlığının torpaqları idi. Osmanlı imperatorluğu torpaqları idi. 1774-cü il Küçük Kaynarca Antlaşması ilə, Krım xanlığı azad edildi. 1783-cü ildən etibarən Krım Rusiya oldu.
Yəni Krım 250 ildir ki, Rusiyadır. Burada artıq bir Rusiya mədəniyyəti formalaşmaqdadır. Krımın Ukraynada olduğu dövrü bir keçid-ara dövrü qəbul etmək lazımdır. Ukraynadan Krıma böyük bir qatqı və layihələr olmadı.
Xalqlar arasında inteqrasiyanı həyata keçirə bilmədi. Bu gün Ukraynada yaşanılan problemlərin səbəbi də özünün necə bir ölkə olduğunun fərqində olmamasıdır”-deyən federasiya sədri Ünver Sel bildirib ki, əgər 2014-cü ildə Krım ayrılıb, öz taleyini seçməsəydi Ukraynada olan bu müharibədə Krım da böyük zərər görə bilərdi.
.
İradə Cəlil, dikGAZETE.com
Ünver Sel, dikGAZETE yazıları için tıklayınız
https://www.dikgazete.com/yazar/unver-sel-200.html
